អង្គការក្រុមការងារដើម្បីដោះស្រាយទំនាស់បានរៀបចំសៀវភៅមេរៀន សមភាពយេនឌ័រ ការពង្រឹងអំណាចស្ត្រី ស្រ្តី សន្តិភាព និងសន្តិសុខ នេះឡើងក្នុងគោលបំណងដើម្បីពង្រឹងការយល់ដឹងដល់ពលរដ្ឋខ្មែរគ្រប់រូប អោយមានការយល់ដឹងនិងចូលរួមអនុវត្តន៍សមភាពយេនឌ័រ ក្នុងការអភិវឌ្ឍសង្គមជាតិ។ សៀវភៅមេរៀន នេះបានរៀបចំឡើងមាន ២២មេរៀនសម្រាប់ការសម្របសម្រួលដល់ពលរដ្ឋខ្មែរទូទៅ ជាពិសេសនៅក្នុងតំបន់គោលដៅនៃអង្គការ កដទ និងសម្រាប់ជននានុជនទូទៅសិក្សាស្វែងយល់ ក្នុងគោលបំណង៖
- ផ្តល់ឱកាសដល់ពលរដ្ឋខ្មែរទូទៅចូលរួមចំណែក្នុងការគិតគូរអនុវឌ្ឍន៍សមភាពយេនឌ័រ ក្នុងការអភិវឌ្ឃសង្គមជាតិក៏ដូចជាទទួលបានចំណេះដឹងថ្មីៗដើម្បីបង្កើននូវពុទ្ធិ
- បង្កើនការយល់ដឹង និងលើកកម្ពស់សកម្មភាព ពលរដ្ឋខ្មែរ អោយមានសីលធម៌ក្នុងការគោរពភាពថ្លៃថ្នូរ ជាពិសេសជនងាយរងគ្រោះ ដូចជា ស្រ្តី ជនពិការ ជនជាតិដើម និងអ្នកស្រលាញ់ភេទដូចគ្នាក្នុងការចូលរួម សកម្មភាពនានា និង បានយល់ដឹងទាក់ទងទៅនឹង សិទ្ធិសេរីភាព និងអំពើរហិង្សា ការរើសអើងភេទ។
សៀវភៅនេះក៏មិនរៀបចំឡើងសម្រាប់តែការយល់ដឹងដល់ស្ត្រី ឬជនងាយរងគ្រោះនោះដែរ តែសម្រាប់ពលរដ្ឋគ្រប់រូបទាំងបុរសផងដែរ ក្នុងការចូលរួមចំណែកអនុវត្តនូវសេចក្តីថ្លៃថ្នូរ និងឆ្លុះបញ្ចាំងពីសង្គមមួយដែលប្រកបដោយស៊ីវិល័យ។
២២មេរៀន៖ ១.យេនឌ័រ និងភេទ ២.វប្បធម៌និងអត្តសញ្ញាណ ៣.វិសមភាពយេនឌ័រ និងការរើសអើង ៤.សមភាពយេនឌ័រនិងច្បាប់ ៥.តួនាទីរបស់ស្ត្រីក្នុងគ្រួសារ សហគមន៍ និងសង្គម ៦.ការគិតគូរពីយេនឌ័រ ៧.ហិង្សាយេនឌ័រ ៨.យេនឌ័រនិងអំណាច ៩.ផ្នត់គំនិតយេនឌ័រ ១០.បញ្ហាយេនឌ័រ ១១.ខ្វាក់យេនឌ័រ ១២.សិទ្ធិមនុស្ស សិទ្ធិនារី និងយេនឌ័រ ១៣.ស្ត្រីក្នុងភាពជាអ្នកដឹកនាំ ១៤.ភាពជាស្ត្រី ឬស្ត្រីនិយម ១៥.ការវិភាគប្រអប់យេនឌ័រ ១៦.ការយល់ដឹងពីយេនឌ័រ និងអ្នកស្រឡាញ់ភេទដូចគ្នា ១៧.ការយល់ដឹងពី LGBTIQ ១៨.ស្ត្រី សន្តិភាព និងសន្តិសុខ WPS ១៩.ការយល់ដឹងអំពីយេនឌ័រនៅក្នុងបរិបទនៃទំនាស់ និងបញ្ហាសុវត្ថិភាព ២០.ការវិភាគបញ្ហាយេនឌ័រក្នុងបរិបទនៃទំនាស់ ២១.សសរស្តម្ភទាំងបួនស្តីពីរបៀបវារៈ ស្ត្រី សន្តិភាព និងសន្តិសុខ ក្រោម UNSCR 1325 ២២.ការត្រួតពិនិត្យ និងការវាយតម្លៃ ស្ត្រី សន្តិភាព និងសន្តិសុខ.
Gender Equality, Gender Empowerment, Women, Peace & Security book has 22 topics:
