បច្ចេកវិទ្យាមានការរីកចម្រើនយ៉ាងឆាប់រហ័សទាំងនៅប្រទេសអភិវឌ្ឍ និងប្រទេសកំពុងតែអភិវឌ្ឍ។ វាបានចូលរួមចំណែកយ៉ាងខ្លាំងក្នុងការអភិវឌ្ឍប្រទេសនីមួយៗ ដើម្បីបំពេញនូវតម្រូវការរបស់មនុស្ស ក៏ដូចជាការដើរឲ្យទាន់នូវ ភាពជឿនរបស់ពិភពលោកនាសម័យកាលឌីជីថលក្នុងពេលបច្ចុប្បន្ន។ ឌីជីថល និងបណ្តាញសង្គមនាពេលបច្ចុប្បន្ន ប្រៀបបានជាឧបករណ៍មួយត្រូវបានមនុស្សជុំវិញពិភពលោកយកមកប្រើប្រាស់នៅក្នុងជីវភាពប្រចាំថ្ងៃដើម្បីធ្វើការបង្កើននូវទំនាក់ទំនង បង្កើននូវគុណភាពការងារ ពង្រីកវិសាលភាពនៃអាជីវកម្ម ការផ្សព្វផ្សាយ ចែកចាយព័ត៌មាន មិនត្រឹមតែ ប៉ុណ្ណោះនោះទេវាបានចូលរួមចំណែកនៅក្នុងការបង្កើនសមត្ថភាពរបស់មនុស្សឲ្យមានការចែ្នប្រឌិតនូវអ្វីដែលថ្មីៗបន្ថែមទៀត។ ប៉ុន្តែជាក់ស្តែងយើងសង្កេតឃើញថានៅប្រទេសមួយចំនួនហាក់ដូចជាបច្ចេកវិទ្យាបានដើរលឿនហួសពី សមត្ថភាពនៃការត្រិះរិះពិចារណារបស់មនុស្សទៅវិញ ដូច្នេះនេះហើយជាចំណុចហានិភ័យមួយដែលបានជះឥទ្ធិពលទៅ លើប្រជាជនវិញក្រៅពីគុណសម្បត្តិនៃការរីកចម្រើនផ្នែកបច្ចេកវិទ្យា។

នៅពេលដែលពួកគេមិនបានសមត្ថភាពគ្រប់គ្រាន់នៅក្នុងការប្រើប្រាស់ទៅលើបច្ចេកវិទ្យាទាំងអស់នោះ ជាទូទៅអ្វីក៏ដោយវាតែមានចំណុចល្អនិងចំណុចមិនល្អរបស់វា ប៉ុន្តែអាស្រ័យទៅលើសមត្ថភាពរបស់អ្នកប្រើប្រាស់ដូចគ្នាដែរ។ ប្រសិនជាយើងមានសមត្ថភាពគ្រប់គ្រាន់ នោះហានិភ័យដែលនឹងកើតឡើងវាក៏មានតិចទៅតាមនោះដែរ។ មូលហេតុនេះហើយដែលយើងទាំងអស់គ្នាត្រូវតែអភិវឌ្ឍសមត្ថភាព និងបង្កើនការយល់ដឹងទាក់ទងទៅនឹងបច្ចេកវិទ្យា ប្រព័ន្ធឌីជីថល និងប្រព័ន្ធផ្សព្វផ្សាយនៅក្នុងសង្គមរបស់យើងនាពេលបច្ចុប្បន្នដែលក្នុងនាមជាប្រជាពលរដ្ឋត្រូវចូលរួមឈ្វេងយល់ទាំងអស់គ្នាដើម្បីដើរឲ្យទាន់សភាពការណ៍នៃការរីកចម្រើន សៀវភៅណែនាំបណ្តុះបណ្តាលស្តីពីការអក្ខរកម្មឌីជីថល និងប្រព័ន្ធផ្សព្វផ្សាយនេះបានរៀបចំឡើង ១៤ មេរៀនសម្រាប់សម្របសម្រួលដល់សហគមន៍។

Digital Literacy & Social Media has 14 topics: